Latino Cuidad De Asia
El Ciudad de Zamboanga es un primera clase y mas de urbanizado clase de ciudad na Filipinas y uno tambien de maga primero que ya tiene estato na pais. El Commonwealth Act No. 39 que ya firma el antes presidente Manuel L. Quezon na Palacio de Malacañang del 12 de Octubre, 1936 ya crea y ya establice con este ciudad como un de estato clase de ciudad. El ciudad como se llama tambien el Orgullo de Mindanao y su palayaw como el Ciudad de Flores. Tambien llamao entre maga Zamboangueños como Zamboanga Hermosa y Bella Zamboanga. Esta tiempo, el gobierno local del ciudad ta promove con el ciudad na turismo como el Latino Ciudad de Asia.
El cumple año de este ciudad cada Octubre 12 amo tambien el fecha del fiesta del Pilar que ta celebra por el honor de santa patrona del ciudad, el Real Fuerza de Nuestra Señora La Virgen del Pilar de Zaragoza quien su estatua grabao arriba y enfrente del Fuerza Pilar, un fuerte de piedra - llamado tambien na su maga primera dia como la Fuerza de San Jose - que ya planta el maga Español, bajo principalmente con el Padre Jesuito Melchor de Vera del 23 de Hunyo, 1635 como un defensa contra con el maga moro pirata na Mindanao. El Ciudad de Zamboanga es uno de maga mas viejo ciudad en las Filipinas y el mas con todo tene herencia Español. Este ciudad tambien es uno de maga bien grande ciudad na entero mundo con 1,480 km² y 28 maga alreredor isla.
Asegun con el censo del año 2000, el Zamboanga tiene populacion na mas o menos 601,794 de maga residente na mas o menos 177,152 de maga casa. Ahora esta tiempo, estimado que el ciudad tiene ya mas o menos un millones de maga residente. Conforme, este el aca-[6] mas populado ciudad na entero nacion. Este ciudad esta centro del commercio y negocio, maga servicio de buen salud, y educacion na entero region de oeste Mindanao. Este ciudad tambien el sitio del Zamboanga City Special Economic Zone Authority (como se llama el Zamboecozone).
El maga residente o el maga Zamboangueños hablante un clase de unico lenguaje de creollo como se llama Chavacano de Zamboanga que 80% de su Ortografia desde idioma Castillano y 20% mezclado de otros idiomas astronesiano como Cebuano o Bisaya,Ilonggo o Hiligaynon, Subanon-Subanen, Yakan, Tausug, Sama-Bangingi, y tambien Portugis, Italiano,Nahautl y Mexican-Indian. El Ciudad de Zamboanga tiene tres universidades: el Ateneo de Zamboanga University, Western Mindanao State University - un universidad del estado, y el Universidad de Zamboanga. Con este ciudad tambien ya establice el primero diocesis na Mindanao. El ahora Arsodiocesis de Zamboanga ya crea del año 1910 y ya hace subi con este como arzobispero del año 1958.
Locacion
El ciudad es na sur y punta del Zamboanga Peninsula, na isla de Mindanao. Este ciudad es 460 miles de nautico sur de Manila, 365 miles de nautico norte-este de Kota Kinabalu na Malaysia, y 345 miles de nautico norte-este de Manado na Indonesia. Na oeste de este ciudad amo el Mar de Sulu, na este, el Golfo de Moro, y na sur, el Aprieto de Basilan y Mar de Celebes. El ciudad es uno y media hora de lejos desde Manila por medio de eroplano y un hora de lejos tambien desde'l maga ciudades de Cebu y Davao.
El Ciudad de Zamboanga tiene 28 maga isla puera del costa del su majoria tereno. Oficialmente, este maga isla posesion del ciudad y bajo na poder del ciudad. Tiene de este maga isla, ocupado de gente; tiene, sin ocupado. El maga otro isla tambien, usando por el maga actividades como pesca y iscuba. El maga isla de Santa Cruz es famoso por su maga arena color rosas que considerando ralo na entero mundo. El maga isla rico na maga coral, marisco y vida de la mar. Mas de media del maga clase de marisco en el entero mundo hay puede encontra na Mar de Sulu, alreredor de este maga isla.
El maga isla amo el maga siguente:
|
|
|
|
Zamboangueño conocido tambien como lenguaje Chavacano o lenguaje Chavacano de Zamobanga o como un Tribo Zamboangueño o Chavacano. ademas, conocido tambien como La española creolo de las Filipinas, que 70% de los palabras estaba na espanol y 30% de otras palabras estaba desde Subanon, Cebuano, Ilonggo, Sama-Bangingi, Tausug, Yakan, Portuguis y Mexican-Indian. La lenguaje Zamboangueño, es uno tambien viejo lenguaje que ta habla o conversa na entero mundo, que ya nacer de Juño 23, 1635 tiempo de la colonia de España en(Nuestra Senora La Virgen del Pilar, Fort Pilar, Ciudad de Zamboanga). ese tiempo tambien que el Fundacion del Zamboanga y de Los Chavacanos ya establice, y debe tambian conocido un simbolico como el "Dia de Los Chavacanos de Zamboanga.
El tribo Zamboangueño, ahoramente que puede tambien encontrar na maga lugar o dentro de Zamboanga Peninsula, Ciudad de Isabela(Basilan), Municipalidad de Lamitan(Basilan), Cotabato, Davao y na otro parte del pais. segun, el lenguaje Zamboangueño o Chavacano de Zamboanga ta esta evolucionar pa siempre.
